張敬軒突襲熊抱“皇后”

王菀之邀觀眾報名合唱

王菀之日前在澳門倫敦人綜藝館舉行《王菀之演唱會 合體 澳門站》，全場爆滿，與五千觀眾一起度過了一個既療癒又充滿驚喜的難忘夜晚。演唱會更是驚喜連連，“皇上”張敬軒突襲上台抱起“皇后”，又主動邀合作齊開騷，引爆全場！

演唱會甫開始，王菀之用其獨有的空靈嗓音連氣唱二十多首歌後，終於停下來與觀眾聊天，一開口就展現了她的幽默本色。“原來你哋唱歌咁好聽，我好想有個Choir 要幾千人一齊唱，不如你哋都報名吖！唔啱音唔啱拍子，就企後少少，我講真，我真係想有個大Choir 。”這番話一出，全場觀眾立刻報以熱烈的歡呼，和一聲整齊響亮的“好呀！”。

在點唱環節中，王菀之突然自嘲：“其實我點解講錯嘢，因為我個人好慌……你估我一個人企響度講嘢好容易？不如唔好我自己一個講，請佢上嚟同我講啦。”這時神秘嘉賓張敬軒（軒公）突然登場，隨即令全場觀眾瞬間陷入瘋狂。

軒公走到台上，二話不說，突然一把將王菀之整個人抱起來，這個驚喜不單令王菀之驚呼，也讓全場觀眾瞬間“暴動”，歡呼聲幾近炸場。軒公還抱着王菀之笑道：“你又重咗！”王菀之幽默回應：“你可能係第一個做到呢個動作嘅男人。”軒公隨即補了一句：“唔怕，我帶咗腰封，哈哈！”放下王菀之後，軒公深情地對她說：“我好開心，啱啱喺台下聽你唱歌，真係起雞皮，好好聽。我成日覺得點解你個舞台好似有魔力，我好羨慕今晚每一位觀眾，睇菀之騷係一個好療癒嘅晚上。佢嘅表演、佢嘅樂隊，台下Standby，我都有被你嘅音樂擁抱住嗰個感覺。識你咁多年，都係咁冇變過，你話自己好慌，恭喜你終於知自己係方形啦。”接着突然話鋒一轉，軒公感嘆說：“我想話呢，我幾時可以脫離嘉賓身份，變成同你一齊再開騷呢？如果呢個十年唔開，我哋就六十歲啦。”王菀之點頭道：“十年，我哋仲健在係一個福氣……。”軒公興奮說：“我哋今晚不如當係一個小小預演。”引得全場哄動。

王菀之騷後受訪時，對張敬軒在台上公開邀請她合作開騷，笑言：“好感激佢嚟澳門支持我，佢都好忙，啱啱身體又唔舒服，剛剛好返冇耐。合體再做騷呢……嘻，多謝佢邀請，不過我唔知喎，諗吓先啦。”