金燕玲蘇施黃同甘共苦

金燕玲與蘇施黃，傳聞同性戀？同居二十年。前日，金燕玲開金口：“我當蘇施黃係水泡，絕對唔係愛情。”

結束第二段婚姻後，美國返港，前路茫茫；金燕玲憶昔當年邂逅：“麻將牌局上，蘇施黃聽了我的窘境……對我說，我好鍾意你，我想照顧你……。”

江湖落魄，突如其來的“照顧”承諾，金燕玲也覺得莫名其妙。會唔會當阿蘇係水泡？“絕對係水泡”。金燕玲快人快語：“我曾對阿蘇說，你又肥又矮，我都唔知點解同你一齊。”

後來，水泡變航母？旁觀者稱——二〇一九年金燕玲患子宮癌。二〇二一年患乳癌。蘇施黃始終不離不棄，給予無微不至的照顧。阿蘇更揚言要賺夠二億，保障金燕玲的下半生。

“生病時有阿蘇支持，令我真正感覺到……一個人係點樣愛惜及照顧另一個人”。金燕玲肯定表示，不會和阿蘇結婚，二人精神上的關係更重要。並讚蘇施黃：“看似尖酸，其實善良。”

與阿蘇同居二十載，金燕玲至今仍抗拒被標籤為同性戀者。七十一歲的金燕玲，人生戲劇……阿蘇明言：“人哋睇你係我拍乸，當你攣喎！我話最多半個攣，我非常抗拒。不是因為兩次離婚，唔鍾意男性而鍾意女性，我唔係呀嗎！”

金燕玲與阿蘇，比她過去兩段婚姻總和還要長久。形容她們關係：兩個非常獨立個體，同住一屋，各享百分之二百自由，相處非常舒服……。

後記：《金多寶》港澳票房累積六百八十八萬。金燕玲包場，請徐克、許鞍華、蘇施黃睇戲，“個個睇完都叫我嫲嫲，祝我健康，夠我活到一千歲啦。”金燕玲戀戀的：電影！

高 梁