古天樂自爆家教嚴格

古天樂罕見評彈女人！大讚吳君如大笑很幽默。是否鍾情愛笑嘅女仔？“不錯，幾好口架，當一個人會笑，起碼係正能量……。”

“不過，宣萱唔幽默，但正能量。佢咩事都會開心……。”古天樂透徹了解宣萱：“如果做訪問，佢在旁邊會好嘈。”又指宣萱相處好簡單，雙方沒將對方視為異性。直認圈中好友——男的劉青雲，女便是宣萱。終身伴侶呢？

“家教嚴，從小十分自律。”古天樂自爆家事：“細個時，爸爸教得好好；他經常講，少說話，多做事，做唔到就唔好講。所以，少說話多做事最緊要，做咗幾多，人哋係會睇到。”古天樂慎言外，選擇朋友亦十分謹慎：“去到我呢個階段，我經常諗：乜嘢係我朋友呢……？”

不時與唐詩詠舉香檳，心情輕鬆。古天樂談到化妝，“如果可以不化妝，就不會化……。”唐詩詠也說：“約會就化妝！”你仲有Dating咩，另一位主持人練美娟取笑。古天樂挺身維護，“你要口下留情，你攻擊的是好拍檔……”古仔執着唐詩詠對手，親切慰問：“你有冇對象呀？”詩詠乘勢請求古天樂介紹。

俊男必然遇到兩大天敵：肥！脫髮！古天樂認為必然會發生，幸好多年來沒有暴肥問題，“脫髮不能避免，不妨試下藉助科技幫忙。”古天樂坦言，抗拒戴假髮：“以前拍古裝，好怕黐頭套。即使生活上，用一啲嘢笠住自己個頭，好辛苦。”而他在電視劇《尋秦記》中，因為是現代人穿越，不用黐頭套。

後記：訪問中，對着外貌岸然的古天樂，聲聲以“天樂”稱呼，唐詩詠第一人！

（古天樂乜都問得 · 二之二）

高梁