古天樂戒甜十多年

人生至今，最甜一件事？古天樂緊緊執着主持人唐詩詠雙手，一臉無奈，凝眸對方，輕聲表示：“只要我咁樣，唔出聲。”

“我好喜歡食甜，在家中不會食甜品。”古天樂自爆：“已戒掉汽水……戒甜十多年的原因，糖，對身體唔好，容易有炎症；但偶爾都食吓——我覺得，人天生有五味感覺，唔可以Cut咗其中一樣，人生裡頭都有甜酸苦辣鹹。甜對身體唔係咁好，都唔應該夾硬Cut咗，應該保留少少，以前唔飮汽水，近期都會飮吓。”

你又話，任何問題都可以問嘅？係！

你本身自己一個人，係咪鍾意自己一個人多啲？古天樂笑到彎腰，回應：“呢個問題好深奧，都好哲學，你呢個唐詩詠好搞笑……。”

唐詩詠認真問，你鍾意一班人定獨處多啲？古天樂認為，不同場合有不同相處方式，“好開心的慶功宴，我唔可以話，我要五分鐘獨處……。”

有人喜歡在洗澡時思考……，古天樂搶截話題，“我不會。”自爆冲涼只用三分鐘……。

乾唔乾淨？唐詩詠芳容失色。

“我唔知怎樣證實乾唔乾淨。”古天樂悠然自得：“我自己覺得好乾淨，點呀？”

冲涼公開，還公開揀女仔的品味，“我都好少見女仔幽默。”古天樂出名緋聞絕緣體，心目中，“吳君如難得幽默。我哋兩家阿媽Friend到不得了，兩家人爸爸又認識，係世交。其實，君如最強嘅幽默感，咩都笑一餐，可以坐喺度笑十五分鐘，呢種女人，係人都夾得到。”（古天樂乜都問得 · 二之一）

高梁