關智斌來澳開騷收利市

關智斌(Kenny)日前在澳門舉行《關智斌演唱會2026 The Endless Adventure Live in Macau》。現場Kenny除了大展身手玩Flying Pole，還多次與歌迷真情對話，更宣佈正式成立官方粉絲後援會。演唱會一開始，大熒幕播出去年Kenny於啟德舉行演唱會的尾聲片段，完騷後觀眾不停叫Encore不肯離場，Kenny再次上台，但由於場地時間所限，只能唱出兩句《眼紅館》。因此今次澳門的Opening特意選了《眼紅館》為開場曲。他說：“我呢一首嘅《眼紅館》，係特別今日揀嚟開場嘅時候唱，上次演唱會因為時間關係，令到我喺去年留下遺憾，唱唔到呢隻歌，所以我覺得今年我第一時間一定要唱返呢隻《眼紅館》畀大家聽，希望你哋會鍾意。”

Kenny邀請了同門師妹女團VIVA，又合唱《相對濕度》，其後VIVA solo表演《FOMO》。談到邀請VIVAKenny坦言：“喺排舞室佢哋話原來係第一次做演唱會嘉賓，我突然間覺得，‘咦？原來我以前覺得咁take it for granted嘅嘢，原來唔係咁。’因為以前我哋細個，成日跟住啲師兄師姐去好多唔同嘅舞台做佢哋演唱會嘉賓，佢哋畀呢個機會我，我今日先可以有機會有一個屬於自己嘅舞台喺度。”Encore環節，Kenny在觀眾席驚喜現身，歌迷即時瘋狂向他派發利市。隨後第二次Encore唱《死性不改》時，Kenny發揮搞笑本色，“新年流流，唔好咩性不改，叫《靚性不改》啦，大家今年繼續靚呀。”全場再次歡呼，為澳門站畫上完美句號。