雲浩影否認酒吧吸水煙

雲浩影(Cloud)前日身穿白色長裙到尖沙咀出席品牌活動，早前她在社交網曬靚相，被網民發現有水煙，指控她在酒吧吸食水煙，她說：“下次會小心啲。”近日較少露面的Cloud，透露早前忙於舞台劇及錄歌，新歌《最好的解藥》剛剛推出，希望新一年給與自己及大家力量，並預告大碟將於三四月推出。問到會否叫音樂監製男友T- Ma幫手，她笑說：“冇特別搵，唔需要去規限。”她說最近參加了創作營，實行寓工作於娛樂：“寫咗好多好滿意嘅歌，現場有來自馬來西亞同韓國嘅作曲人，識咗好多新朋友，有首歌係寫畀女團，我有啲想偷嚟用，睇吓可唔可以碌到人情卡。”

早前Cloud聯同馮允謙與國際殿堂級搖滾組合Air Supply於中環合作跨年騷，她大感幸運：“佢哋好友善，喺後台簽咗隻碟畀我，仲寫埋我個名，真係好開心。（私下有冇傾偈？）大家都好緊張準備表演，都係傾點走位，而且都唔夠膽講太多嘢。”有“仙氣女神”之稱的Cloud，近日被網民從她好友的IG限時動態截圖，發現桌上放有水煙，指控她在酒吧吸食水煙。Cloud事後在網上澄清自己未有吸食，談到此事，她坦承自己做得不夠好：“引起大家誤會，下次會小心啲，有違禁品唔會坐埋去，但同一班朋友出嚟，佢哋想咁做，我都唔能夠話唔好。”