陳志雲《歲月如歌》任聲音導航

HOY TV音樂企劃《歲月如歌》請來陳志雲擔任聲音導航，他日前接受HOY主播王凌燕專訪分享點滴。他說這次會用到“韋家晴”這個名字：“喺裏面我做返老本行DJ，回顧返廿幾歲青春年代，而家六十六。因為每個人都需要溫暖嘅回憶，《歲月如歌》係屬於大家嘅集體回憶，每個年代好似唔同，但裏面嘅核心都一樣，係情，人情、愛情、友情，都係嗰啲嘢。譬如同年長嘅人一齊懷緬佢哋嘅回憶時，你就學識點去珍惜現在擁有嘅，因為你現在擁有嘅嘢，就係你將來嘅回憶。”

陳志雲也分享了多年主持心得，他說：“做主持最難係你要搵到自己嘅位，呢啲都需要時間，又唔係話好要琢磨技巧，但努力好緊要。（訪問過咁多嘉賓邊個令你最苦惱？）有啲朋友嘅性格係鍾意你問一句，佢答一句，佢唔會去延伸。耐啲嘅就係陳慧琳，佢真係幾難，而家唔同咗啦！以前問佢，你同男朋友感情係點？佢話好好呀。冇啦！鍾珍就係佢喊嘅點，一講就喊。近期就魏浚笙比較類似，佢都係要你出力帶佢，佢第一首歌係喺我志雲頻道《Stephen·傾》度唱。”