梁釗峰入院做半月板手術

梁釗峰近日入院接受半月板手術，前日他在社交平台分享手術前後的相片及短片。

手術前，梁釗峰戴上手術帽，並在病房內行走，神態自若。他說：“終於要做半月板手術，出奇地，原來手術前一啲都唔驚！平時驚死嘅我今次竟然倍感輕鬆，仲有護士姑娘悉心照料，知我驚痛特登打針輕手啲，全身麻醉比預期醒得快，勁揪啊，梁釗峰。幾個月後一條好漢，要快啲好番，跑山鞋、匹克球拍、運動……等緊你。”

手術後，梁釗峰需要依靠拐杖及助行架方能行走，復健時更須由兩名男護士在旁攙扶上樓梯，且一度痛得大叫起來。他謂：“最後一刻推床入手術室先識驚已經賺咗，術前要影OOTD（今日穿搭，Outfit Of the Day），因為下次咁靈活行路應該要幾個月後。梁釗峰今次叻仔，打針前同護士講︰‘我超驚打針。’護士話︰‘唔痛痛啊吓，一吓涼涼哋咋。’（真實對白）紅都面晒，原來人係會氹到唔驚打針。全身麻醉醒番後真係比預期中精神，膝頭痛在所難免，不過最驚都係整到‘打豆’（靜脈注射）隻手。最開心係唔使戒口咩都食得，多謝醫生同護士們，多謝身體，多謝半月板，一齊好好康復。”