朗斯反彈“勒”唔住

法甲黑馬朗斯今晚主場鬥勒哈費爾，朗斯上輪不敵馬賽聯賽八連勝斷纜，兼被聖日門爬頭跌落第二位。為免一再敗陣挫士氣，對陣尾四的客隊不容再失。雖然朗斯陣中未有超級射手或球星壓陣，但全民皆兵大打團隊足球，前鋒薩特近五輪入三球腳風不俗，泰奧雲、艾杜亞特亦有上佳演出，沙亞、干尼奧壓陣的防線失球數字僅次於大巴黎，面對作客四輪不勝、戰力差一截的勒軍有望重返勝軌。

愛奴主場爭發“維”

西甲愛斯賓奴今晚主場鬥艾拉維斯，今季踢出驚喜的愛奴近況回落，過去四輪一和三負後排名第五，已被第四的維拉利爾甩開七分。愛奴踏入新一年仍未開齋，但超過五成的主場得勝率仍為信心保證，帶刀侍衛羅美路、卡比拿經常後上有斬獲，配合米拿、羅辛奴及干沙里斯，排名十五、近八輪作客不勝的艾軍注定搶分無望。

意甲的拉素今晚主場鬥熱拿亞，前者暫排第九難言理想，新一年至今僅贏一場（兩和兩負）狀態低迷，面對近五輪兩勝三和的熱拿亞，主場出擊亦無必勝把握。

史達寧車仔終分手

英格蘭翼鋒史達寧與車路士達成離隊協議。卅一歲的史達寧二二年以四千七百五十萬鎊由曼城轉投車路士，合共為車仔上陣八十一場，但自二四年五月後未再為球隊落場比賽，並一直未能隨一隊操練。史達寧與會方合約尚餘十八個月，周薪達卅二萬五千鎊的他，有指可獲二千萬鎊的補償金；會方亦可節省開支。史達寧下一站或加盟倫敦另一球會富咸。