啟德唔啱開騷

“冇想過，咁又破咗！”六十四歲張學友，對粉絲說：“沒有你們，沒有辦法做到，多謝晒。”巡唱三百二十四場，“我覺得唔係休止符；”粉絲們舉牌，寫着：“70+”、“80+”、“90+”、“100+”，不讓退休。

“胡楓也90多歲，我如何能破紀錄。”張學友笑言：“講就容易，要做到，很不容易。不過，都會盡力。因為，我眞係鍾意唱歌，很想做！”

目前慾望，只想工作，打算開個屬於自己金曲演唱會……“會開較小型的演唱會。”會否考慮在啟德主場館？

首先，我對啟德冇異議；但係——學友自有見地：一個好大好新的場地。他覺得，表演係需要做一個啱自己嘅。“啟德，實在唔啱我呢個騷。我親自去啟德睇過，任何一個位我都睇過，只係覺得唔適合我呢個騷。”學友指，巡演後還需要開會，是否接下來演音樂劇，順利的話；應該兩年左右就會做到。

提到四大天王，上次二〇〇七年一起現身。歌迷都想他們再合體……。

“我成日都講，”張學友說：“四大天王，只係一個時代。其實，何來四大天王這回事，大家都分開發展，各自分開去做。”學友又指，四大天王，只是當時傳媒給予的稱號，某個時代的事情：“我寧願希望能留在一個美麗的感覺與回憶。”

後台工作人員大合照，互道珍重。代表“快樂港仁”的曾志偉接受一百三十萬善款支票時，衷心多謝張學友。被問為何辭職TVB總經理，志偉立即將咪遞回，當屆港姐多謝學友擔任嘉賓。“你話只做一年，點知你……”揭開曾志偉與張學友，有一段不尋常交往，開心嘅。

（花甲歌神 · 如有神助 · 三之二）

高梁