周柏豪三月啓德體藝館開騷

周柏豪將舉行個人音樂見面會《周柏豪 THE BLOOMING CHAPTER》，首站定於三月十四日白色情人節在香港啓德體藝館開鑼；亦是踏入人生新階段的柏豪，相隔七年於香港開騷。他直言：“相隔七年，真係有啲耐，屋企人和朋友都不停問我幾時巡返香港，終於可以好開心同大家講，今次由香港出發，第一站就係香港！”見面會的海報，除了帥之外，還非常有春天氣息，柏豪表示：“對男人來講，我到了四十歲呢個年紀，我估應該展現到唔同的一面，一個新嘅綻放，所以海報都係用綻放為題。”

第一站香港，柏豪表示：“當然係會有好多新構思，巡迴見面會已經做了近兩年，之前都巡咗好唔同城市，今年新的一次巡迴，係自己屋企第一站，個騷內容同製作，真係愈搞愈大，因為在香港做騷限制與跟外面不同，好多嘢可以玩，所以我可以同歌迷講，今次係同上年個巡迴好唔同，規模與內容不斷豐富升級，完全不會比正規演唱會‘少嘢睇、少歌聽’，甚至在心思、時間和力氣的投入上，我覺得仲比以前演唱會多。”這次新一輪巡演，他自言放了一千分的力，全情投入跟導演研究，精心設計了好多新環節。