曾離無線服務唔止卅年

黎芷珊收老人金牌嘆縮水

無線前日於電視城舉行《長期服務暨傑出員工榮譽大獎頒獎典禮2025》，三十年服務獎藝人包括湯盈盈、黎芷珊、滕麗名、姚瑩瑩；二十年服務獎藝人有關浩揚、曾琬莎、鄧永健；而傑出員工由譚俊彥(Shaun)及龔嘉欣奪得。

湯盈盈、黎芷珊、滕麗名及姚瑩瑩同時拎“30年服務獎”，湯盈盈表示很感觸，又搞笑說：“入咗公司三十年，我而家先知嚿金係真，前兩塊都有但冇去考究，我期待四十年。”

黎芷珊就後悔曾經離開TVB兩年多：“其實我唔止三十年，因為中間離開過TVB兩年多，其實我應該係四十多年，原來四十年的金牌好大，我蝕咗，雖然我唔知價值幾多，但佢咃話好大塊，我當初唔應該離開TVB。”

滕麗名表示與湯盈盈和姚瑩瑩同是第八期訓練班出身，沒想過一同服務公司三十年，所以好感動，又爆湯盈盈知道金牌是真金造後會好努力工作。

攞到傑出員工獎，譚俊彥笑說：“我拍《企業強人》，之前陳豪拍《破毒強人》，我就奇怪賣毒品都可以拎傑出，無理由呀，之後就到龔嘉欣，都係拍《企業強人》拎到，強人系列都好專業地做到傑出員工，所以好感恩。”他又讚嘉欣當年拍攝《殺手》時穿短褲背心，見到她打到周身瘀，連手指都彎曲了，當時大家都替她心痛，但她完全不會計較辛苦，做了出來大家看見她的努力，所以才會有這個肯定。

身旁的龔嘉欣謙稱都是向前輩學習，其中一個就是Shaun：“都係前輩教落，從來未聽過前輩講辛苦兩個字，冇呻過攰一定會演好角色。之前都有同Shaun拍劇，試過有場戲情緒到，出盡全力摑咗佢廿幾巴，他避都冇避，甚至一句怨言都冇，因為大家太鍾意呢份工作，所以專業都係由前輩身上學習。”問到他們是否也是公司的“吸金王”，嘉欣笑說：“我唔敢認係，但無可否認去年係破咗自己入行以來的紀錄，係好開心。”