拒談前妻章小蕙嫁錯人

鍾鎮濤：卅年前舊事唔想提

鍾鎮濤（阿B）前妻章小蕙，接受內地節目訪問，指後悔當年“戀愛腦”嫁給鍾鎮濤，又透露因前夫剝奪子女探視權崩潰痛哭。阿B前日出席活動時，直言已是三十多年前的事，不想講、不想睇。

前日阿B、倪樂琳、周吉佩、冼靖峰及張與辰等，到將軍澳電視城為慈善節目進行彩排，阿B透露當晚會與一班小朋友合唱。談到近日他的前妻章小蕙，接受內地節目訪問，指後悔當年“戀愛腦”嫁給他，又透露因本能探子女崩潰痛哭。阿B被問到前妻的言論時顯得不願多談。他說：“唔講喇，有機會先講啦，都成三十年前嘅事，咁多年都冇講，真係唔想講，點解要依家先講呢。（以後都唔講？）有機會先講啦，真係唔想呢個時候講。（想上綜藝節目時至講？）我唔知呀，畀我諗一諗先。”

問到為何不交代一次了結事件，他笑說：“邊有得講完就唔再提，我唔提啫，唔表示第二個唔提。”問到仔女看到報道可有問起，他說：“佢哋冇睇，我都唔想睇，因為一睇就會成日跳出嚟。”

講到早前女兒鍾懿與到新加坡父女檔開騷就滔滔不絕，他讚女兒幫到手，因幕後和音有病時女兒臨時拉夫幫手，不像以前幫其“攝時間”。他透露有不少唱片公司向女兒招手，他也想有人幫手“湊女”，亦覺得女兒算是入了行，因現在一半身份是歌手，一半身份是學生，所以不心急。

提到太太范姜素貞在北京投資抗衰老中心，他認為抗衰老最緊要是自己心情好：“唔好畀唔開心嘅嘢影響到自己心情，兵來將擋，唔好自己搵麻煩。”他又透露中心之前舉行了一個不公開的活動，老友曾志偉、梁家輝都有來支持，又透露很多朋友已是他的客人，志偉甚至想投資一間。

說到志偉剛卸任無線總經理，便隨明星足球隊到雲南遊玩，他笑說：“咁就好，最緊要朋友開心啫，（有美女餵酒？）我都啱玩女㗎，我自己啲女呀。”問到太太可批准隨行參與，他說：“冇所謂嘅，見識吓。”他又透露相信之後約志偉旅行一定成事。