聲秀學員騷前談感受

《聲秀》十六強學員包括馮熙燮、柯雨霏、胡子貝、張津銘、徐惠晴、布子殷、陸卓謙、冼奕瑜、胡港豐、司徒泆、陳卓怡、林潔心、甄敏芳、周智敏、蕭凱恩和穎喬，將於明日晚上在麥花臣場館舉行《this is OUR STAGE》聲秀畢業演唱會。

日前，胡子貝、陸卓謙和甄敏芳相約去Band房夾Band，更互相分享了演唱會前的內心感受。子貝表示：“因為我真係好熱愛音樂，否則我唔會堅持到呢一刻，我覺得有壓力先至會有動力，如果你對自己冇壓力嘅話，你點會進步？作為一個參賽者，最重要當然係唱好一首歌，諗嘅嘢會比較少，但係作為一個職業歌手，我要搵到我自己把聲，等大家可以記住我。”

陸卓謙說：“其實呢一刻心情好興奮，因為我都去過麥花臣呢個場館睇過唔同歌手嘅騷，今次自己企喺個台上面，有少少夢想成真嘅感覺。”

甄敏芳則謂：“我希望企喺麥花臣呢個舞台嗰陣，而且仲係唱Live，大家可以有Surprise嘅感覺，感受到我嘅情感係可以感染到大家。希望大家會記得我哋十六個學員，同埋記得我係甄敏芳。”