未婚生子愛無悔

嚴慧明，真冇人識；雪梨，數十年前昔日狗公仔即時雀躍：嘩，靚女！青葱之年，公仔箱前令幾許麻甩佬發晒白日夢。十四歲入行，即與名聲廣傳之青春艷星波姬小絲，並列日本每周最受歡迎外國女星；十七歲，外國電影雜誌評為全球最受歡迎女星前十。幾許阿姐捱到巢皮都未入流，恨死隔籬。佢還有個享譽華人世界之靚姐米雪。

天生麗質，人細鬼大自所當然。吼了個有婦之夫，生埋仔女，卻被花心蘿蔔飛起。家人痛惜，佢有大姐氣概：“係我揀嘅！”義無反顧，擔起頭家。

養一對仔女，含辛茹苦，“十七歲，佢又細我又細，大家鬥細，要阿媽教我餵奶。”雪梨妹言來雲淡風輕。數十年後，詢之昔日情仇愛恨，“今生無悔！”至情至聖，真女人也！

如今仔大女大，亦事業有成。乃子成個大俠餅印，係加國獨立歌手、電視台節目主持人；女係溫哥華華裔小姐冠軍。今日雪梨妹六十一齡矣！

西門公子