肥媽嫌龔嘉欣唔夠姣

肥媽、鼎爷，關心視后龔嘉欣婚姻，授以錦囊：“你唔夠姣！”假如，嘉欣夠薑，回應一句：咦，豈不是所有老婆都係姣婆……。不做無聊之事，何以遣有涯之生。疑文共賞析——。

夠姣才能嫁人，簡單邏輯。老婆都是姣婆？豈有此理。竊以為，姻緣唔講得笑，如果説，你仍未結婚，緣份未到。嘉欣可接戲了，一鞠躬，再鞠躬，兩位前輩的江湖地位，請做月老，為我牽紅線……。粵劇味重了，後生仔女未必懂。

如果肥媽大喝一聲：視后咁多好條件還未結婚，因為“唔夠膽”。俗語有謂，男追女隔重山，女追男隔張紙。你一定係遇上心儀男士唔夠膽表白。

你未結婚，因為“唔夠姣”，疑幻疑眞。龔嘉欣説：“肥媽口中講姣的尺度，自己眞係搞唔掂。佢叫我眼金金望着對方，人哋可能唔知乜事，眞係一巴摑埋來。”竊以為鼓勵女孩子“放電”，十分危險的事，“姣婆遇上脂粉客”，古有潘金蓮、閻婆惜，都惹來滅門之禍。“紅顏禍水”，由此引經據典得來。“我唔想姣，我唔想遇到脂粉客；做我直腸直肚，有話直説的女孩子，能否早點結姻緣”？龔嘉欣有此一問，“鄰家小女孩最純眞”，最容易做老婆。男人最愛賢淑婦，請問一萬個男人，有誰公然 回答，我老婆係姣婆！

獻計想結婚的龔嘉欣，做個姣婆，非常値得商榷。鼎爺、肥媽廚神身份，最正確最現實答應：“女人要鎖住男人的心，必先鎖住男人的胃。《在家宴客60道菜》播出嘞，學撚兩味，好快就識到如意郎君！”

後記：兩位資深主廚教視后放電做姣婆，而不是呼籲學整兩味，做超級主婦，老公晩晩吃家庭飯，食色性也，會煮飯的女人是也。

高梁