李佳芯投入角色險崩潰

黎諾懿瞓身拍打戲膊頭受傷

由黎諾懿、李佳芯(Ali)主演的馬來西亞Astro Originals黑幫權謀劇《義和》(The Exiled)，開播以來話題十足，口碑甚佳。新劇不乏追車、講數、槍戰、打鬥等刺激場口，不過吸睛鏡頭的背後都是要付上“代價”的。其中，連場打戲的黎諾懿，觸痛舊患，膊頭韌帶九成撕裂。

《義和》講述黑幫“義和”老大突然身亡，內部權力真空引爆連場角力。飾演老大老婆“冰姐”的Ali，與社團第二把交椅“漢哥”的黎諾懿，以及虎視眈眈的黑幫新勢力和警方，展開龍爭虎鬥。

當中“漢哥”黎諾懿更有連場打戲，他表示：“今次有好多古惑仔打鬥戲，有好多拳腳、動刀，最驚險係用到真嘅鐵刀、鐵鏟，要拍啲斬人戲份，真係要好小心。記得其中一個演員打完之後，佢成手都係血，因為佢畀個鐵鏟整親。”黎諾懿亦因為拍攝打戲，膊頭嚴重受傷，他說：“本身右邊膊頭有舊患，而為了應付大量打戲，搞到韌帶撕裂咗九成，而家仲醫緊，未完全康復，今次真係瞓身演出。”問到諾懿今次飾演古惑仔，可有向老友鄭伊健取經？黎諾懿自言角色表面斯文、內裡兇狠，是一位渴望洗白的古惑仔，沒有任何角色可參考。

至於飾演社團大嫂“冰姐”的Ali，為了投入角色，數月來沉浸在陰沉的情緒當中，差點崩潰。她說：“冰姐係一個好多經歷嘅人，老公過身、擔起社團責任，又要打、撞車，仲要有聲嘶力竭咁喊嘅戲份，大部分都係沉重場口，對演員嚟講係好慘。開機拍攝前嘅準備，連埋拍攝，幾個月都要沉溺喺呢種情緒。好彩暫時呢幾年，我都係一年一劇，有足夠嘅體力同精神去應付。雖然係沉重，但演繹上係過足戲癮，因為正常人生好難會做到呢啲嘢。”

“冰姐”的人設與現實的Ali可謂有極大反差，Ali指：“其實飲酒、食煙，出入夜場，對現實生活嘅我已經係反差。不過講最大反差就係氣場，外人可能覺得我好硬淨，但我覺得自己唔係好有氣場。我個底蘊係順其自然，所以同冰姐一出場就要好壓場，喝一聲啲人就靜晒個氣場，好大反差。”