羅家英笑傲癌病

“發現個肝有粒荔枝……係一粒荔枝咁大嘅嘢，肝癌第三期。切咗佢，唔使電療化療。二〇〇四年之事……。”大老倌羅家英笑傲癌魔：“二〇一四年，又發現肝臟有粒荔枝，不是復發，係另外一邊，切咗！又冇嘢……。”

經歷兩次肝療，家英哥一再笑傲癌魔之後，不料再三。二〇一九年，前列腺組織發現癌細胞……。接受傳媒人查小欣訪問，家英哥坦然自爆——“既然前列腺癌，切除晒前列腺；驗過報告：冇嘢嘞，點知……仍有啲潛伏在邊邊隱處，未成形嘅……到成咗形才知道，許多粒，切唔到啦……”家英哥開展與癌粒周旋。“醫生話，只得一個方法：打女性荷爾蒙。”

“打女性荷爾蒙，唔係醫治佢，而係撳住佢，等佢平和。但，八年後就壓唔住嘅嘞，醫生又話，到時就要電療同化療……。”家英哥彈起，與癌症作持久戰，終歸一敗。“八年後，我都八十幾啦，電療化療後，你畀多三年我，到時人唔人鬼唔鬼啦，呢個人生有咩用啫……。”家英哥笑傲癌魔：“我決定唔會再電療化療，不療了，這八、九年內盡情吃喝玩樂！”

回顧患癌，因從不買保險，花了許多積蓄，“都未使晒嘅，（有冇叫老婆汪明荃幫你呀？）我唔使佢幫，千祈唔好同佢講呢樣嘢。佢亦都冇講過話幫，佢知道我有。（你性格唔畀人幫？）唔係，如果佢願意幫我，都好樂意嘅。”

注射女性荷爾蒙壓制前列腺癌細胞，“個人弱咗，好攰，好易眼瞓，唔鍾意被訪問，因為要不停講嘢。前列腺切除後，對個色字（性慾淡咗）冇呀，已經四、五年。”家英哥寄語各位觀眾，注意身體，定時檢查，及早醫治。

（這個元旦不太冷不太熱不太暖 · 三之三）

高 梁