譚耀文喜與聲秀學員合作

由《聲秀》十六強學員包括馮熙燮、柯雨霏、胡子貝、張津銘、徐惠晴、布子殷、陸卓謙、冼奕瑜、胡港豐、司徒泆、陳卓怡、林潔心、甄敏芳、周智敏、蕭凱恩和穎喬一起參與的“《this is OUR STAGE》聲秀畢業演唱會”，將於明年一月十八日晚上在麥花臣場館隆重舉行。因為今次是眾學員首度在一個演唱會的舞台上表演，他們也非常重視和導師在台上一起演出的珍貴時刻，於是他們向監製提供了不少想法，看如何能把這個畢業演唱會做到最好。大會特別以導師和學員為主題設計專屬海報，一公開便好評如潮，大家也覺得非常有紀念價值。

一眾導師也非常期待再次和學員合作。剛開完個唱，布子殷、胡港豐同蕭凱恩的導師譚耀文表示：“記得初初對我畀佢哋有關要交功課，同埋練習指令嘅回應同速度上係有少許散慢，加上對舞台知識同比賽準則又未係咁清楚，而佢哋又同時保存住佢哋自己嘅舒適圈，但後來經我費心費力再三叮囑下，佢哋終於知道要增加自己嘅競爭力，就必須要有改變同突破，同埋要跳出自己嘅框框，之後就知道台上一分鐘、台下十年功呢個真理。”阿譚續說：“每次我都好享受和珍惜有機會同自己嘅學員一齊演出，尤其是今次係佢哋完咗比賽之後，首度正式踏上屬於自己有份嘅舞台去表演，當然為佢哋高興。”