陳曉華愛江山又愛男人

提名“最佳女主角”、“最佳女配角”，萬千星輝頒獎禮，陳曉華(Hera)叫兩飛，不輸陣更不輸人。落選……亦誓要擺脫花瓶形象，自己先頒自己一個獎——做一個有實力的花瓶。

跟視帝郭晉安合演老夫少妻，Hera心情既開心又緊張，擔心演忘年戀拿捏不穩。現實中，從未戀上比自己年長很多的異性，笑言開拍前曾聽過，“女主角點解會搵佢嘅？佢同安哥唔親喎？”

七年演過很多角色，從中令她對愛情的想法亦有所改變，所有嘢都係自己選擇，如果夾唔來，就唔好浪費時間。與緋聞男友朱敏翰的關係如何——

“都希望搵到一個可同自己一齊努力的同伴，係一件好幸福的事，不過……。”陳曉華既愛江山又愛男人：“目前要緊的，做好工作先，太多工作需要改善。”近年，朱敏翰、陳曉華都上位中，受到公司力捧，又傳被“棒打鴛鴦”，又傳出會閃婚，於港島區已築愛巢，被拍攝到雙雙去睇演唱會。不過，二人依然否認拍拖。

未有意結婚，卻開始憧憬將來婚紗：“非傳統顏色的，例如：黑色或紅色。但，一定會穿中式裙褂。之前拍戲時穿過，很靚！婚禮要盛大……。”誰個少女不懷春，陳曉華愈說愈興奮：“邀請所有朋友及重要嘅人出席，（若另一半想低調，點算？）冇可能。將來個老公，會尊重我的決定。”

陳曉華，被TVB選為“六大耀眼新星”，其他五位：郭柏妍、戴祖儀、周嘉洛、張馳豪、阮浩棕。“冇一個是競爭對手”，Hera豪言：“唯一競爭對手係自己。”

高 梁