古天樂宣萱大談網紅NG片

無線娛樂訪談節目《一周星星》，逢周日晚十時翡翠台播映，節目每集將瞄準影視圈及歌壇等焦點人物進行訪談。十二月二十八日將播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。

今集《一周星星》絕對可以用“笑聲笑聲滿載溫馨”形容，單是古仔與宣萱的爆笑互動，已值回票價。先說“本尊Fact Check”環節，區永權求證古仔是否如傳聞所指“唔畀人趷得”，現場即時儼如聯歡會般熱鬧。古仔先是很大反應：“你講咩呀？（馬上指着宣萱）佢嗰日唔趷過我唔開心。”

古仔和宣萱還大方談及劇集《尋秦記》廣傳至今的網紅NG片，談到其中一條古仔因大力篤宣萱心口，篤到宣萱忍不住爆笑的NG片時，宣萱時隔多年依然覺得搞笑又委屈：“我睇親都笑，我估我睇三十、甚至一百次都會笑”、“佢冇當我係女人咯，總之係……可能對佢嚟講（力度）四啫，但對我嚟講已經係七、八喇。”古仔聞言只能回應：“篤本身唔大力唔係叫做篤嘅，叫做撩！”隨即應區永權要求即場示範向宣萱“撩穴”，宣萱見狀即靈活閃避：“唔好撩我！”