學友紅館開唱：怕係最後一次

張學友合共二十場的《60+巡迴演唱會香港終章》前晚於紅館舉行首場，亦是學友第十一度踏上紅館舞台，並創下新紀錄，成為於紅館累積個人演唱會最多的歌手，場次多達二百○三場。六十四歲的學友狀態大勇，雖不時提及自己已60+，但當輕鬆落下一字馬時，全場歡呼，足見他寶刀未老。學友連唱《留住這時光》和《Ooh La La》為演唱會揭序幕後，再踏上古董車頂唱出《馬路英雄》，令全場升温。唱畢多經典慢歌後，學友跟大家打招呼：“香港嘅朋友你哋好！其實我想講山頂嘅朋友你哋好，但山頂已經唔係好山頂。所以，買最前飛嘅朋友好傻，其實後面都睇到！”

學友指整個演唱會樂團及團隊休息了三星期：“我有個有不好嘅習慣，一休息就病，小休小病，大休大病。休息嘅第一星期，將之前嘅感冒清咗佢，之後諗住打下波，點知打完條腰就唔郁得，可能呢啲就係60+嘅問題。早幾年，我以為六十歲好多優惠，但原來係六十五歲先有。但過幾個月我就六十五歲喇！哈哈！”他感慨說：“我唔知大家會唔會諗住今次係我最後一次開演唱會，所以無論如何都要睇咗先。我自己都覺得我覺得、懷疑、怕係最後一次。”說罷學友即席表演一字馬，再輕鬆站起來，力證自己寶刀未老。他笑說：“睇我自己起到身就知，我上次係爬起身。所以唔使驚，我仲喺度。”