皇馬發“維”追榜首

【本報消息】西甲皇家馬德里發“維”贏波追榜首。皇馬班拿貝主場出擊鬥西維爾，麥巴比追平C朗拿度年度入球紀錄，銀河艦隊主場兩球淨勝尾段踢少個的西維爾。

皇馬主場出擊鬥西維爾，麥巴比、高斯、雲尼斯奧斯續三箭領軍。西維爾由老將山齊士、I羅美路掛帥。

西維爾開賽一度先反客為主，I羅美路面對高圖爾斯出迎起腳笠射未中目標。皇馬隨後重新主導形勢，但一直未能製造具威脅埋門，戰至卅八分鐘，比寧咸接應高斯罰球傳中頂入，皇馬開紀錄兼半場領先一比○。

皇馬換邊後繼續攻，麥巴比勁射柱邊出界。西維爾亦有I羅美路兩次起腳、山齊士遠射被高圖爾斯救出。皇馬則有麥巴比頭鎚中楣彈出。客軍塔斯拿六十八分鐘兩黃一紅被逐。踢多個的皇馬，完場前四分鐘由麥巴比十二碼鎖定勝局贏二比○。

艦長：下半季會更好

贏波的皇馬追至落後榜首巴塞一分，但踢多一場。“艦長”沙比阿朗素未滿意表現：“球員表現很賣力，但整體發揮未如理想。我認為球隊需要在失去球權時，更積極、更直接。接下來我們有一段休息時間，我有信心球隊能夠在下半賽程做得更好。”

畢爾包主場出擊鬥愛斯賓奴。畢爾包人腳有優勢，不過愛斯賓奴聯賽四連勝狀態士氣同樣好，米拿、R費南迪斯近況不俗，有力帶領愛斯賓奴作客全身而退。

另外，意甲前四大戰，祖雲達斯都靈主場出擊靠F干斯卡奧、奧賓達建功，二比一擊敗羅馬，追至落後第四的首都狼一分，積廿九分排第五。