麥長青客串三分鐘贏盡好評

麥長青（麥包）在前晚播出的一集台慶劇《新聞女王2》中，客串飾演“睿智維修人員”，與許詩晴（高海寧飾）大談“體制生存術”，成為詩晴的職場貴人。

在短短三分鐘的出場時間中，麥包除了句句金科玉律：“體制裏面係減分制，你做得幾叻都好，唔會加你分，但一做錯嘢、行錯一步、講錯一句說話就減分”，並以“智慧長者”Tone勸說詩晴：“唔使咁搏嘅女，總之做好自己本份，唔好出錯，夠命長就有得升！”麥包的“體制生存術”，句句有Point之餘，配以麥包精湛演技、舉手投足及眼神均充滿智者神髓，令網民睇得相當入肉，大讚《新聞女王》系列再度拋出了寫實職場生存哲學：“有道理，體制內都是不求有功，但求無過”。

對於不少網民好奇佳導（鍾澍佳）為甚麼找來麥包客串這場三分鐘場口，佳導接受訪問時笑言：“其實我諗要搵邊位演員嚟演呢個角色諗咗好耐，直到有一日我喺電視機見到麥包嘅演出，我就即刻打電話搵佢演。”一眼就能斷定出一個演員有多適合一個角色，佳導果然厲害！