陳婉衡親解“凸肚”之謎

前港姐陳婉衡(Alycia)去年轉型做健身教練，今年五月宣佈與圈外男友結婚，明年三月舉行婚禮。

陳婉衡近日在社交平台公開另一輯在巴黎拍攝的婚照，並留言婚禮進入三個月倒數，急不及待想成為Kam太：“話說呢輯相係五月嘅時候影嘅，巴黎要到差不多十點先天黑。我哋影呢個Night Shot嘅時候，已經係夜晚十一點，當日我哋由朝影到晚，本身影唔慣影相嘅Mr. Kam已經攰到變咗隻加菲貓，不過（攝影師）Julian好厲害，用咗十五至二十分鐘就影晒我哋想要嘅相同片。”

由於日前陳婉衡在IG限時動態發佈，穿上一襲墨綠色貼身長裙的她，四肢纖細，但腹部卻明顯隆起，讓人猜想是否有孕。加上公開一輯新婚照，被網民猜測陳婉衡是否“雙喜臨門”。不過陳婉衡火速解開謎團，在網上以英文澄清是“腹部脹氣”非懷孕，並笑言請大眾：“唔好恭喜我！”