洪卓立演唱會延期被質疑

洪卓立原定於十一月三十日，在旺角麥花臣舉行《洪卓立探索者巡迴音樂會香港站》，後因大埔宏福苑五級火延期，近日遭網民質疑洪卓立延期演唱會的真正原因。

洪卓立在火災後宣佈延期演唱會，更在社交平台連發兩帖感嘆：“有朋友覺得我好黑仔，同麥花臣八字唔夾，次次都開唔成，但請原諒我真係無咁專業、堅強，可以照開音樂會專心唱歌畀大家聽！”洪卓立坦言：“確實香港站等咗六年，中間經歷咗好多困難，同事、樂隊、導演組亦辛苦咁籌備咗幾個月，但對比呢幾日發生嘅一切，音樂會算係咩嘢？我算係咩嘢？我寧願等多六年甚至乎取消。”

有網民質疑洪卓立取消演出，是否與門票滯消有關。洪卓立隨即發帖回應：“我哋並不是因為甚麼滯消而延期，甚至可能取消，只係我哋覺得依家呢個咁沉重嘅時間，完全唔適合去做我呢個音樂會嘅主題。”雖被網民質疑，洪卓立睇得很開：“多謝各位關心，放心我無事，直頭係好小事，請不要把焦點放喺我身上，請繼續做要幫／想幫嘅事，尋晚睇完啲相有感而發，忍唔住放咗負Sorry！”