陳曉華親揭密實泳衣玄機

陳曉華(Hera)在劇集《金式森林》中的“深情林澄”及“黑化林澄”在演技上贏盡好評，於熱播中的《新聞女王2》再次展現蛻變了多樣演技。

前晚一集，陳曉華飾演的唐芷瑤在悼念網紅Paula一幕，Hera完全演活了“空洞零感情”的“貓哭老鼠樣”；在拍片吸流量及巴結富豪時，不但眼睛會自然變得明亮、整體女性魅力也跟着升級；而在與Paula媽扯貓尾一幕，全程“假慈悲”狀態的她，當知道自己沒被攝入鏡頭，眼神即零秒變惡毒望向曾文心，情緒轉換迅速，展示幹練演技，難怪再度贏得大量好評。

Hera短短一集除展現了多元演技，還激罕地以一件頭泳衣上陣大曬長腿，不過由於款式太密實，令一心等睇好戲的Kingston（黃宗澤飾）大為失望：“我畀三套泳衣你揀，你揀件最多布嘅⁈”場口搞笑。

談到密實款一件頭水着成焦點，Hera接受訪問親揭密實一件頭泳裝背後意義、以及與第一季《新聞女王》的重大關連：“其實呢段三揀一泳衣嘅劇情，主要係想凸顯出唐芷瑤係一個好保守嘅人，就算佢之前話過佢自己冇底線，可以走光，其實佢只係講吓，而且講完自己都窒窒地；佢就係因為有底線，所以先至揀呢件一件頭泳衣。”