吳倩怡未落實加盟新公司

黃劍文再演《為你鍾情》興奮

香港首個大型音樂劇盛事“香港音樂劇節2026”，將於二○二六年一月十一日至二月八日，在香港西九文化區隆重舉行。前日胡鴻鈞、黃劍文、香胤宅、雷深如、吳倩怡等出席“香港音樂劇節2026”粉絲見面會，數百粉絲包圍會場，非常熱鬧！

黃劍文表示再演《為你鍾情》“既興奮、又緊張”，自言稍加排練就會進入狀態：“上次記者會見返大家，感覺已經返晒嚟，所以好期待快啲彩排。記得第一次係壓力大到喊，原來成Team人係大家畀力量大家。呢部劇係講張國榮粉絲嘅故事，唱好多張國榮哥哥嘅歌曲，二○二六年係哥哥嘅七十歲冥壽，令到呢個題材更有意思。”

這次粉絲見面會公佈胡鴻鈞加盟參演《白孃孃：一朶遲桂花》電影音樂會，胡鴻鈞表示演繹潘迪華前輩作品有壓力：“希望可以為經典作品注入啲新元素，嚟緊要日日排練，好享受呢啲充實嘅感覺。電影音樂會係好特別嘅演出方法，因為有紀錄片欣賞、又有管弦樂團一齊演出、要唱經典嘅歌曲，係一個好好嘅學習機會。”

香胤宅(Lyman)、雷深如(J.Arie)在音樂劇《愛登士家庭》中飾演夫妻，吳倩怡(Sinnie)則為二人女兒。近日有傳Sinnie所屬女團Lolly Talk將加盟新公司，以解財困壓力，Sinnie回應：“其實都未確定，我哋八個人都覺得要啲時間去討論下大家嘅方向、想做啲咩，咩嘢Offer係對我哋最好。”Sinnie希望可以找到一間公司能滿足八個人的心思，雖然有一定難度，但有信心可以等到。

Lyman透露將在兩星期後開始正式彩排，現階段各自做功課，Lyman早在美國時已有舞台劇經驗，但他表示今次演出仍有一定難度。“因為要兼顧粵語版本，所以係難嘅，同埋我又無唱歌經驗，我見J.Arie佢哋彩排時，音樂一起就入到，覺得好犀利。”