汪明荃羅家英不丹首拍婚紗照

汪明荃（阿姐）與羅家英（家英哥）早前出發前往不丹，拍攝全新綜藝節目《帶阿姐看世界》。其中一站行程，是二人穿上不丹傳統民族服裝拍攝婚紗照。

根據阿姐及節目官方發佈的照片，穿上不丹傳統民族服的阿姐與家英哥，雖然相愛足足三十六年（拍拖二十年），但二人依然恍如初戀甜蜜。阿姐在埋位前為老公細心整理衣衫，家英哥在埋位後，情不自禁親了阿姐一吓額頭，加上二人不時甜蜜對望及幸福甜笑，一切感覺盡在不言中。

原來阿姐與家英哥自二○○九年結婚後一直沒有拍過婚紗照，家英哥對這件事一直耿耿於懷，多年來也有想過飛其他地方拍攝，想不到最後在《帶阿姐看世界》中夢想成真。

阿姐謂：“因為我哋嗰時喺美國結婚，冇着到傳統婚紗裙褂，佢（指家英哥）就成日話我哋幾時影返輯結婚相。但（今次）我都未同佢講實嘅，因為我要嚟到呢度先知啱唔啱，最後估唔到我哋會着上不丹嘅傳統服裝，仲要有大師祝福，又有好多村民同我哋跳舞慶祝，都幾難忘，佢哋煮啲嘢都好好食。”家英哥聽畢在旁開心補充：“有大師加持我哋嘅婚姻，等我哋白首和諧。”