關寶慧客串一集體力透支

以客串性質演出無線台慶劇《新聞女王2》的關寶慧(Emily)，雖然出場時間只有一集左右，但絕對過足戲。

關寶慧繼劇集《碧血劍》後，相隔二十五年今次再與阿佘（佘詩曼）合作拍劇，二人當然有合照留念。Emily接受訪問時坦言好開心：“我哋以前都幾Friend，只係大家忙咗之後少聯絡咗好多，但都會偶爾WhatsApp吓祝生日快樂。所以今次見番我哋好開心，阿佘又好Sweet，同佢合作感覺好得意，既似老朋友，又似新相識。”

獲佳導（鍾澍佳）邀請客串《新聞女王2》的Emily，續指相隔五年再返娘家拍劇感覺很好。她說：“TVB戲內戲外都係陪住我長大嘅地方，希望以後再有機會返嚟拍劇啦。”談到這次在劇中飾演“一哭二鬧三擸刀”的芬姐，Emily坦言相當攰，皆因要不斷重覆大叫兼喪喊：“真係有少少透支體力，攰嘅程度就好似短短幾日拍完咗一套劇咁。嗰幾日拍完之後，人哋叫我去玩我都冇心機，我都返屋企瞓覺。”

Emily透露為了效果逼眞，拍攝近鏡“降刀”場面時用的都是真刀，她續指由於試過拍爆樽劇時、誤爆真樽弄致同場女演員見血，故今次拿真刀拍攝壓力不少。