摩登粵劇《頂頭鎚》學生優先場

由胡恩威執導，衛駿輝、黃德斌、梁非同、羅妍、陳景銣、黃安晴、蘇楚欣和馬溢霞擔綱演出的全新摩登粵劇《頂頭鎚》，昨日在香港文化中心大劇院，開設特別下午場次，邀請了共十間中學的學生率先欣賞。其餘場次分別在十一月十四日至十六日晚上八時，以及十一月十五日下午三時。

演出前劇中三位主要演員包括衛駿輝、黃德斌和梁非同接受媒體訪問。黃德斌表示：“有啲緊張，不過每次開騷我都係咁，同埋唔知道觀眾嘅反應會係點。但係我哋呢套劇乜都有，有做有唱，有笑有淚，亦都有感人嘅情節。至於要在台上唱歌，我覺得我嘅歌唱技巧只係比開始嗰陣有少少進步，對我嚟講真係一個新體驗。”衛駿輝說：“而家係充滿期待嘅心情，同團隊合作得好開心，今次將粵劇同舞台劇融合喺製作度，平時我喺粵劇做公子哥兒，但我喺《頂頭鎚》係做一個街市仔，而且仲係着時裝，真係花咗唔少時間同工夫去做呢個角色。”梁非同則說：“今次是我第一次粵劇Crossover話劇，不過德斌哥哥好謙虛，佢唱歌進步得好快同好穩定。今次參與呢個劇令我跳出平時嘅舒適圈，好似平時做粵劇嘅抑揚頓挫，或者咬字都要接近返現實。”