陳健安MV四代女團驚喜同框

陳健安（安仔）推出新歌《伊甸有歌》，MV前晚上架，請來Cookies成員楊愛瑾(Miki)擔任女主角，並與之前三首作品的MV女主角同框演出拍攝彩蛋，包括《不遲不早》的Super Girls成員陳穎欣、《額頭有字》Lolly Talk成員黃詠霖，以及《沒有時間》HotCha成員張惠雅。安仔表示︰“今次真係好難得，呢件事真係好癲，我好開心！可能MV導演兼填詞人Oscar好鍾意團隊，無論女團男團，佢都好鍾意，係佢集合咗唔同團隊嘅成員。”

《伊甸有歌》是安仔今年的壓軸音樂作品，他說：“呢首歌係演唱會前好重要嘅歌，藉住輕快嘅歌曲和舞步，畀大家感受到我明年一月戶外演唱會嘅氣氛。今次新歌MV仲有舞者跳芭蕾舞、Locking，有小朋友、有大人、有男有女，無論你跳乜嘢舞種，都可以喺呢個地方一齊Enjoy。”

安仔續說︰“多謝排舞師Kenya，跳舞好好玩，舞步有啲難度，對於我同Miki嚟講都唔容易。我練咗四日，終於完成咗，唔知大家覺得好唔好睇？其實我幾鍾意跳舞，如果大家覺得我跳得好睇，就會跳多啲。”