莫文蔚遺憾當年冇出黑膠碟

莫文蔚(Karen)昨日到調景嶺香港知專設計學院，出席音樂座談分享會為新黑膠碟《Karen Mok The Master》宣傳，吸引不少學生圍觀。

Karen將於十二月二十日在啟德主場館舉行《莫文蔚 THE BIG BIG SHOW 大秀一場 · 香港站“家場”限定版》，提到她在二○二一年的紅館《絕色》巡唱最後一站時，宣傳指明是她最後一次舉行大型演唱會，亦是其將告別大舞台之作。對於被網民指她出爾反爾。Karen笑着解釋：“之前係做大型演唱會，今次係做巨型演唱會，將來可能返璞歸真做返小型演唱會，我太鍾意唱歌，我唔會退休，只不過要諗用咩方法去開騷，遲啲都想做音樂劇。”

談到推出黑膠碟，Karen指近年又再流行聽黑膠碟，自己都儲落不少，第一張自己買的黑膠碟是樂隊ABBA，之後又買過Michael Jackson、張國榮、許冠傑及溫拿的黑膠碟，不過都不敢拿出來聽，怕會弄花唱碟。今次的黑膠碟會限量發行一千張，其中一百張更會有樂隊及她的簽名。她又為自己當年沒有推出黑膠大碟感遺憾，因為自己入行做歌手時已經由黑膠轉出CD。