譚詠麟澳門巡唱籲準時入場

譚詠麟（校長）《經典傳奇巡迴演唱會》最終站，將於十二月十二日及十四日於澳門威尼斯人綜藝館盛大舉行。由於香港未有檔期再舉行此演唱會，意味這個主題的演唱會在澳門將是最後一次，世界各地樂迷勢必要把握這次珍貴機會。日前校長在香港為演唱會進行彩排，大唱《卡拉永遠OK》等經典金曲。

談到《經典傳奇巡迴演唱會》去到澳門最終站，校長坦承每站巡迴演唱會去到尾聲都會很不捨，尤其是是安歌部分，歌迷的忘情投入度，無論精神上與實際上的付出都不少。因歌迷表現令校長太感動，到安歌時都會撐不住唱唔落去，他說：“真係唱唔到落去，因為會變晒聲，控制唔到，連個key都捉唔住，所以有時候係佢哋唱畀我聽。”當中九月舉行的惠州站，獲三萬位歌迷冒着風雨在台下支持，更令校長難忘。

校長又預告每到一個站演出，都會因應當地民情在內容上作出調整，澳門一站亦不會例外，但就大賣關子說：“預告唔到咁多，變動一定會變，希望大家睇得開心啦！”他還提醒歌迷記得要準時入場：“早啲入場可以聽足啲，同埋喺現場記得有咁投入就咁投入，同我一齊大合唱，唱爆個館。”