“香港音樂劇節”明年初啟動

吳倩怡自嘲演音樂劇被睇小

香港首個大型音樂劇盛事“香港音樂劇節2026”將於明年一月十一日至二月八日假香港西九文化區隆重舉行。昨日黃劍文、葉巧琳、香胤宅、雷深如、吳倩怡(Sinnie)、譚永浩、黃奕斌、陳凱彤等受邀出席記者會，即場演繹精彩選段歌曲，為明年一月舉行的音樂劇節揭開序幕。

黃劍文表示自己再演《為你鍾情》感興奮，笑言要操練身材：“因為覺得自己肥咗啲啲，怕着唔返上次啲衫，所以要Keep Fit！其實我靠呢個騷啟發我跳舞嘅細胞，想由跳唱路線出發！”

葉巧琳表示現忙於舞台劇工作，稍後才與劍文“朝夕相對”：“因為我忙緊另外一套舞台劇，要喺嗰套劇完結咗、同嗰邊個老公‘離婚’之後，先會埋位排戲。其實今次我哋有首合唱歌會派台，非常期待排練嘅日子，因為劍文啲粉絲會不時應援，所以好有口福。”

香胤宅與雷深如今次喺音樂劇《愛登士家庭》中飾演夫妻，香胤宅笑言自己都唔年輕，不過應該生唔出Sinnie：“我覺得英文劇本應該會易記啲，所以有啲擔心中文場次會比啲粉絲笑！雖然唔係我第一次做舞台劇，但係同呢兩位對手合作好興奮，希望可以透過彩排了解佢哋更多。”

吳倩怡今次劇中又唱歌又跳舞，佢就表示非常期待演出！提到早前女團Lolly Talk財務傳聞，成員之一的她現身自然成為焦點：“我哋繼續有糧出，所以應該就冇爭公司錢嘅，其實咁多個團員都有好多工作。我其實冇話畀身邊嘅人知我會做音樂劇，因為我覺得佢哋會‘睇小我’，希望到時台上嘅演出令到佢哋有Surprise。”