草蜢重啟巡演

蔡一傑強勢回歸狀態大勇

香港天團草蜢的巡迴演唱會《RE:GRASSHOPPER》重新啟動，日前於新加坡聖淘沙舉行，亦是成員蔡一傑（傑少）接受腦部手術後強勢回歸巡唱舞台。傑少狀態大勇在台上勁歌熱舞，他感激觀眾的等待和支持，全場觀眾拍手歡呼，氣氛High爆。

草蜢以連串快歌為演唱會揭開序幕，觀眾亮起手上燈棒又唱又跳，氣氛高漲。蔡一智（阿智）高呼：“今日係蔡一傑強勢回歸舞台嘅日子，大家同我哋一齊Party慶祝！再返嚟非常之唔容易，你哋第一時間買飛，真係抵錫！”時隔一年重返巡唱舞台，傑少表示以平常心面對：“我覺得非常從容，可能有朋友會擔心我上返舞台嘅情況，但我可以同大家講，同以前冇乜分別，大家唔使擔心我，今晚玩得非常開心。”

今次演唱會草蜢特別獻唱《You've Got a Friend》，悼念已故戰友髮型師Jacky Ma。阿智說：“以往每次嚟新加坡開騷，Jacky都會同我哋一齊，咁啱今日係佢生日，所以特別揀咗一首佢鍾意嘅歌。”大熒幕上播出多張草蜢與Jacky的合照，三子於彩排期間看到片段時一度感觸落淚，傑少說：“我忍唔住流眼淚，好掛住Jacky Ma。”正式開騷時就點都唔望後面大熒幕，因為一喊就唱唔到歌。

草蜢三子還趁着演出空檔，拉大隊到當地非常出名的大牌檔食宵夜，黑椒炒蟹、燒雞翼、魚蛋等美食擺滿長枱。阿智說：“好似食Buffet咁，好開心，我飽到今朝。”傑少想起第一次跟師傅梅艷芳出埠演出的回憶，說：“第一次出埠就係嚟新加坡，我有成三十年冇去過嗰個大牌檔，見返好多新加坡嘅好朋友，個個都好似街坊咁好熱情咁同我哋影相。”阿智補充說：“第一次去嗰個大牌檔食嘅大魚蛋，噚日食返仍然係咁彈牙。”他還透露一落機就收到歌迷送上的榴槤蛋糕、斑蘭蛋糕等新加坡名物，草蜢感激大家的支持，約定明年四月香港紅館見。