馮允謙宣佈明年一月開騷

馮允謙(Jay)日前在“Groove Gala MA Family School Tour”第六場，尾站香港浸會大學台上，以其專屬“Jay星文”與同學仔玩解密遊戲，拉開印上“Yut yuet woo-ngoi show geen”字樣的橫額，台下同學仔秒懂，踴躍舉手搶答“一月戶外show見”，原來Jay宣佈開騷好消息，全場歡呼。Jay說：“明年一月將要舉行我個人嘅第一個戶外演唱會，非常興奮，我好鍾意做show，今次好唔同，抱住一個好warm嘅心情想同大家under the stars分享音樂。”

身旁雲浩影(Cloud)建議他：“到時可能好凍，戶外唱歌會吸入冷空氣，所以你而家要開始習慣喺戶外練歌。”盧慧敏問：“對住雪櫃練有冇效？”Cloud補充：“或者對住冷氣機、風扇唱歌，都係唔好，咁樣你會咳！”其實Jay已有計劃：“平時我會外出跑步，十二月天氣凍，訓練多啲一路跑步一路唱歌，吸吓啲冷空氣，當做練習。”剛才同學仔熱情點唱，Jay會否都考慮放入演唱會歌單？他笑說：“我好想唱晒所有歌，由出道開始，但係咁樣要唱五個小時。（Cloud：我唔介意！）你哋唔介意，但係我喉嚨介意！”