原子鏸快閃回港演音樂劇

鮮有在香港露面的原子鏸(Marsha)，近日低調回港演出迷你音樂劇《My Bubble and Me》。去年因母親鄭佩佩離世而陷喪母之痛的Marsha，經過調整之後逐漸走出低谷，日前排練音樂劇時表現專業，又演又唱多首英語歌曲，狀態甚佳。

原子鏸透露今次在港只是短暫逗留一星期，主要是來換身份證及探望爸爸，順道做一個音樂劇。她解釋：“音樂劇叫做《My Bubble and Me》，因為細個時候，成日活喺自己世界，每次遇到困難都好似將自己匿埋喺bubble裡面。”Marsha續指音樂劇是以她的真實故事作藍本：“內容講述我嚟香港生活嘅故事，當時媽咪叫我試下嚟香港發展，媽咪帶領我成為一個藝人。”雖然原子鏸冇特別提及現時心情，但提起媽咪，仍然流露無限掛念之情。

移居摩洛哥的原子鏸透露，今次丈夫與四歲大仔Matys亦有來港：“仔仔好有表演慾，鍾意引人注意，佢喺摩洛哥參加咗好多課外活動，玩陶瓷、烹飪、功夫。”至於問到仔仔會否來看她的音樂劇？Marsha表示不會帶他來看，但老公會嚟睇。