體壇快訊

祖記走“素”炒杜陀

祖雲達斯在意甲持續低迷，到訪拉素在九分鐘被比錫為主隊一箭定江山，祖記輸○比一，八場不勝兼三連敗兼至第八後，宣佈炒今夏才續新約的教練杜陀，其教練團亦冇得留低，暫由一隊教練巴林比拿接掌。拉素返勝軌升上第十。

羅馬靠迪巴拿在今季開齋，作客以一比○小勝莎索羅，重返勝軌追至與拿坡里同分升上次席。

賓福特贏“比”你睇

賓福特近期先後擊敗曼聯及利物浦，狀態不俗，今晚在英格蘭聯賽盃第四圈作客英乙的甘士比，兩隊實力有差距，且主隊近四戰三敗士氣差，賓福特可望乘勝爭晉級。富咸四連敗要兼顧護級，作客英甲已五場不敗的韋甘比有暗湧，隨時再陰溝翻船。

獨行俠擒速龍開齋

獨行俠狀元法拉格終嘗到勝利滋味，攻入新高的廿二分，全隊七人得分上雙兼三人得分20+，主場不設防下以一百卅九比一百廿九擊敗速龍，今季終開齋。湖人在勒邦占士及當錫齊缺陣下，造就利夫斯挺身而出，貢獻五十一分、十一籃板及九次助攻，助湖人作客帝王贏一百廿七比一百二十。