馮允謙首次與孖生細佬拍MV

“創作王子”馮允謙(Jay)全新英文歌《See Through Ya》，由他親自作曲、更是繼《Close to the Edge》後，再次與孖生細佬Tim一起填詞。

新歌MV以模仿定格動畫的Stop motion方式拍攝，演員需要做出連串關連性的靜止動作進行拍攝，雖然有一定難度，但故事場景以輕鬆搞笑為主。今次是Tim首次參與哥哥的MV，兩兄弟扮演情敵，令拍攝現場笑聲不斷。飾演Jay女友的日籍女模坂部佩莎，原來也是搞笑能手，拍攝她對Tim一見嗒糖、嫌棄Jay的野蠻女友，被導演及現場的工作人員大讚好演技。馮允謙亦說：“頭先我全部同事都話你演得好好，話你做啲表情好真實，但現實中你係一個點樣嘅女朋友？”莎莎笑說：“剛才所有嘢都係假，我本身係一個賢妻良母嘅巨蟹座女友，係入得廚房、出得廳堂。”

除了莎莎和Tim外，馮允謙更出動了另一位“演員”，就是與他合作無間的形象設計師Matthew家中愛犬Pickle。雖然小孩與狗，因為難以控制，都是拍攝大忌，但Pickle相當乖巧，除了識得望鏡頭做戲，跟Jay的互動鏡頭更是一Take過完成。