高海寧遊南法勁興奮

高海寧（高Ling）剛放完一個月假連去三個地方旅行，心情大靚，日前穿上米白色超貼身連身裙現身品牌活動，盡顯Fit爆健美身材。

剛投入TVB新劇《飛行日誌2》拍攝的高海寧，談起早前的南法之旅勁興奮，更在社交平台貼出跟法國男仔合照，她即笑言：“你講個BB呀”。原來今次南法之旅是高Ling人生首度獨自出遊，她說：“我冇諗過我會做得到呢件事，一路都缺乏呢個勇氣，我係個連食飯都好少一個人。今次我係突破到自己，原來只要你想做就得，成功咗之後係好有滿足感。”她笑言若跟朋友同行，絕對影響此行交友成績。她說：“如果同朋友去旅行，好少同其他人接觸同傾偈；但係一個人去旅行，就必需打開自己去同多啲唔同嘅人傾偈，可能要咁樣先紓緩到旅程裏面一個人嘅孤獨感。”

本身愛親近小朋友的高Ling，此行除了跟小朋友傾偈合照外，還認識了佷多新朋友。她覺得一個人旅行，可以放空自己，想通不少問題。她感嘆道：“喺其他人身上可以睇到有其他嘅生活方法，其實生活係有得選擇，呢個都係今次旅程另一個得着。”