林德信難忘童年後台周圍走

林德信、湯君耀及前香港運動員楊文蔚，前日出席品牌新店開幕典禮。三人戴上品牌的腕錶與銀器首飾後，更顯獨有氣質。林德信對手上的金色腕錶十分滿意、全因風水師傅叮囑他要多佩戴金色飾物。

訪問時，林德信特意換上另一款腕錶，並透露品牌的腕表全都是手工製，故此十分獨特。提到早前與兩歲囡囡林明齊齊在紅館舞台為林子祥慶生，他說：“好開心，因為我細個最深刻印象，就係喺紅館後台周圍走，上星期Daddy開演唱會，我見個女周圍走、玩得好開心，好感動。到之後抱埋囡囡上台，係佢第一次上台，又係爺爺生日，對佢嚟講係一個好難忘嘅成長記錄。”林德信大讚囡囡當晚表現滿分，加上妹妹由外國飛返香港，三代同堂慶生，故此十分難忘。

湯君耀今日佩戴的一款戒指，與身上的灰色格仔外套十分配襯，他表示平時打扮以黑白或淨色為主，但加上品牌飾物後，即時提升了個人品味，亦不會顯得太頹。湯君耀對於日前推出新歌《Friendship Only》，他認為是圓了心願：“朋友同爸爸聽完都好鍾意，嚟緊都會朝歌手方向發展，已經籌備緊第二首歌，應該會係舒情歌。”