杜德偉三代同台隔空對唱

一連兩場的《杜德偉GETUP世界巡迴演唱會——香港站》圓滿結束，前晚尾場台下繼續眾星雲集：黃子華、草蜢、吳建豪、李樂詩、李幸倪、林敏驄、呂方囡囡Emma在台下跳足全晚，十分興奮。

杜德偉表示為了今次個唱尋回不少舊相片，又問大家有否看過《點解咁好笑》。當年的好拍檔林敏驄即在台下大叫“好好睇”，其後杜德偉唱《不走》時，一度感觸落淚。杜德偉表示自從做爸爸後，不時都會想起亡父杜奧利(Ollie Delfino)：“如果佢仲喺度今日都會入場，鏡頭影吓佢、佢會揮吓手。我同Daddy感情非常好，佢離開後我真係好難過，但有長輩安慰我，話佢會返嚟我身邊。識我Daddy嘅朋友，都會叫佢做Alex Daddy，直到我聽到有人叫我AJ Daddy，我就明白晒。”杜德偉其後演唱《Wonderful World》時，大熒幕播出多張杜氏父子合照，身穿白色西裝的AJ驚喜現身舞台，三代同台隔空演出，場面溫馨感人。

八歲的AJ顯得十分淡定，與爸爸合唱後向觀眾打招呼，又獲同學仔送花支持。杜德偉透露AJ的同學、老師今晚全部都有入場，成功將觀眾平均年齡拉低。