林敏驄被讚金句王

林敏驄（驄哥）聯同新片《觸電》導演梁國輝，前日現身新城知訊台接受薛家燕（家燕姐）、范振鋒、思敏主持《開心大派對》節目訪問。家燕姐與驄哥一見面，即追驄哥收錢，家燕姐解釋：“當年拍《Captain Nancy》MV，搵咗驄哥幫手，佢好幫手自己度埋計，佢好有諗法，我話拍得唔錯喎，我話要畀返封利市佢。點知拍完，轉頭唔見咗佢，原來返咗屋企，追咗佢五年收錢（利市）。”

家燕姐問梁導演第一次同口沒遮攔的聰哥合作，係咪好麻煩，風險好高？梁導演則笑言驄哥好似鬼上身咁，拍戲時好認真，跟驄哥合作又驚又喜，更讚驄哥係哲學家及金句王。

家燕姐形容驄哥的急才為翻版梁醒波，常訓練演員轉數；驄哥話要訓練新演員腦筋靈活度，唔好似“一嚿雞”。對於《觸電》票房戲劇性急速反彈，由上畫只得五萬票房急升至目前接近二百萬，驄哥形容戲如人生，有上有落，票房亦一樣。並謂該片反彈，全靠口碑，他說：“一直冇驚過，一直對呢部戲好有信心，係一部好電影。”家燕姐即笑言要提醒驄哥：“而家我老人家提你，切忌驕傲。”