黃智雯孖李思捷加國開騷

日前，李思捷與黃智雯在加拿大溫哥華列治文河石劇院舉行慈善演唱會，黃智雯(Mandy)相隔十年再度與李思捷合作，更難得是二人在音樂領域上首次同台演出，叫座力當然十足。前輩級人馬黃淑儀亦驚喜成為座上客，令黃智雯受寵若驚，感動不已。

演唱會上，黃智雯獻唱多首歌曲，又跳又唱。她說：“為咗今次演出，事前都有練歌同排舞，呢兩個月都有健身做運動，保持最佳狀態。因為今次會有勁歌熱舞，件舞衣都有少少性感，為咗件舞衣，我都刻意節食，唔食最愛的零食、雪糕，務求有好嘅體態。”

除了獨唱，黃智雯首度與李思捷合唱《來夜方長》與《陪着你走》，令觀眾大叫安歌。李思捷表示同黃智雯合作感覺儼如兩兄妹：“咁多年來，都知Mandy跳舞叻，係個全能藝人，但估唔到我哋兩個把聲黐埋一齊都幾夾，聽落好舒服，好似兩兄妹咁，同聲同氣，幾有默契。”

此外，黃智雯表示見到Gigi姐黃淑儀到場，更是受寵若驚，她謂：“我同佢合作過好幾次，佢仲飾演過我媽咪，見證不同階段嘅我，所以見到佢，我忍唔住第一時間要同佢擁抱。”