末代皇帝歷滄桑

華夏史上最後一個皇帝，國人當知乃溥儀。五十八年前今日，以民俗之身“駕崩”。佢三歲登基，三年帝位，尚未坐穩，辛亥革命趕之下台。雖曾於偽滿洲國傀儡幾年，終歸冇皇帝命，卒成階下囚。

溥帝一生傳奇也矣！天堂地獄，一生嘗透。由佢講古，點都要信。當年一本《我的前半生》，自述皇帝生涯，西門叔父當正係寶，“冇機會做皇帝，睇吓都過癮！”此書當年瘋魔全球華人社會。至叻係意大利導演貝托魯奇，冷手執個熱煎堆，拍成電影《末代皇帝》，發足皇帝財，攞埋金像獎。

有感溥儀改造成功，提早特赦，畀佢做個堂正中國公民。當年得病，周總理親自過問。病殁後得入奉八寶山。然廿八年後，其妻竟將之遷出八寶山。

原來遷葬之所，乃河北易縣清西陵華隆皇家陵園。此係清皇家歸天之所。溥帝畢竟出自皇家，認祖歸宗，理所當然。八寶山當然瞓得唔舒服！

西門公子