林子祥紅館舞台慶生

林子祥（阿Lam）正與葉蒨文(Sally)在紅館舉行演唱會，前晚第四場適逢是阿Lam的七十八歲正日生辰，令演唱會瞬間變成生日派對。

演唱會每晚唱完《零時十分》例牌有生日環節，當晚的壽星公是台上的阿Lam。Sally對阿Lam說：“我好似識一個人生日……係你！我第一次唱《零時十分》時，問阿Lam乜嘢意思，佢話林振強寫嘅，唔知喎。跟住佢唱《十分十二吋》，我又問乜嘢意思，佢又話唔知！你講啦！”阿Lam謂：“總之我而家個車牌都係一○一二。”

Sally為賀阿Lam生日，除帶領全場大合唱生日歌，台上大屏幕還播出重量級祝賀片，包括洪金寶、許冠傑、劉德華、郭富城、楊千嬅、李克勤、容祖兒等。之後還有兒子林德信同太太抱住孫女林明上台，孫女仲錫錫爺爺，甜到漏！最後還有女兒April由美國回來給阿Lam慶生，父女相擁場面感動到爆，流下男兒淚。

演唱會尾段，陳奕迅突然驚喜現身舞台，令阿Lam及Sally驚喜萬分。三人更於台上合唱《數字人生》，由於歌曲節奏是愈唱愈快，唱完後，陳奕迅五體投地、甘拜下風問二人：“你哋點做到？”十分搞笑。