MIRROR親證不參與叱咤頒獎禮

男團MIRROR由出道起，每年一直都有參與樂壇盛事“叱咤樂壇流行榜頒獎典禮”，更年年橫掃各大獎項，但早前有傳MIRROR今年將不會出席“叱咤樂壇流行榜頒獎典禮”，成為網上熱話。昨日MIRROR其中四位成員，盧瀚霆、呂爵安、李駿傑及姜濤出席《CHILL GENKI》音樂節記者會，終於親證不會參與“叱咤樂壇流行榜頒獎典禮”。

音樂節記者會上，盧瀚霆、呂爵安、李駿傑及姜濤一同受訪，由李駿傑代表回答：“收到最新安排就係，一月一日有工作安排，所以今年嘅叱咤就唔會出席，但我哋每年都好開心可以參加呢個盛事。”談到感受方面，李駿傑續指：“當然會有啲可惜啦，但係今次參加唔到，可能下次可以參加嘛！日子仲有好長嘅，仲有好多機會嘅。”