曾樂彤分享獨立歌手路

曾樂彤日前作客TVB娛樂新聞台節目《Star Talk》，接受主持許文軒(Edmond)訪問，大談走獨立歌手之路以及與另一半徐浩求婚經過。曾樂彤從去年開始正式成為獨立歌手已推出了五首歌曲，她說：“都覺得自己好勤力！覺得自己能夠成為獨立歌手都係一個緣份。其實本身喺呢個階段想諗下自己條路點行，呢個Reset其實可以嘗試唔同嘅嘢，或者搵返自己嘅初衷做演員拍電影。後尾發覺喺唱片公司期間，自己越嚟越鍾意寫嘢，鍾意用創作、寫歌詞嘅渠道去表達自己，仲有好多自己鍾意嘅嘢未寫，雖然都有寫歌詞畀其他歌手，但係數量未係好多。自己亦都唔係一個鍾意等待嘅人，咁就不如主動出擊，自己寫畀自己。”

問到幾時同徐浩擦出愛火花？她說：“佢幫我做第一隻碟嘅時候大家各自都有拍拖，而且佢係有前輩嘅感覺，好尊重同尊敬佢，因為佢大過我好多，有成十二年。去到早幾年合作《躲不開的一課》之後，大家咁啱都係單身，同埋交流多咗先至慢慢開始。”至於提到較早前二人宣佈求婚成功，她說：“其實求婚已經係前年嘅事，喺巴黎度求。”