“半肥瘦”延續五年音樂里程

香港八人無伴奏合唱組合“半肥瘦”(Boonfaysau, BFS)，繼今年《囉嗦到下個冬季》後再有新歌《雙子遇上天蠍座》派台。今次歌曲由男女對唱，負責作曲編曲的Andrew述說他的中學年代，歌唱比賽曾不准男女合唱，令他更喜愛收聽及希望寫出男女對唱的歌曲“好似彌補童年咁”。

“半肥瘦”五年前曾推出單曲《蘑菇》，講述雙子和天蠍一同逃離地球，揭開太空歷險的序幕。兩人在狹小的機艙生活，雙子的好奇與善變，與天蠍的神秘和執着，在宇宙中碰撞，兩人既害怕失去摯友，又期待坦露心聲，曖昧和不安漸漸蔓延……五年前埋下的伏筆，終於由最新單曲《雙子遇上天蠍座》延續故事。

談到為何五年後才用新歌延續故事，他們説：“旅程係時候降落，劃上一個句號。五年前嘅《蘑菇》同最近《囉嗦到下個冬季》都係見證住一個好浪漫嘅、開始相戀嘅過程。咁之後呢？男女之間有時會因為期望落差愈行愈遠，《蘑菇》看似順利嘅戀情喺現實係冇咁完美，《雙子遇上天蠍座》為觀眾帶嚟甜蜜開場之後，二人實際遇上嘅故事。”